Maxfiylik siyosati

Qanday ma'lumot yig'amiz

Xizmatdan foydalanish uchun quyidagilar saqlanadi:

• Hisob ma'lumotlari: ism, taxallus, telefon raqam, parol (faqat qaytarib bo'lmaydigan shaklda — argon2id), hamda ixtiyoriy ravishda email va Telegram foydalanuvchi nomi.
• Google bilan kirsangiz — Google hisobingizning barqaror identifikatori va email. Parol bu holda umuman yaratilmaydi.
• Ta'lim ma'lumotlari: yechilgan testlar, berilgan javoblar, xato va saqlangan savollar, mavzular bo'yicha o'zlashtirish, to'plangan ballar va seriya.
• Sessiya ma'lumotlari: kirgan qurilmangizning umumiy nomi (masalan «iPhone · Safari»), oxirgi faollik vaqti va sessiya muddati. Xom brauzer identifikatori saqlanmaydi.
• Bildirishnomaga obuna bo'lsangiz — brauzer bergan obuna manzili va shifrlash kalitlari, hamda tanlagan tilingiz.
• To'lov qilsangiz — summa, tarif, holat va to'lov tizimining identifikatori.
• Guruh o'yinida yozgan xabarlaringiz.
• Texnik ko'rsatkichlar: qaysi sahifa qancha vaqtda ochilgani. Bu ma'lumot xizmatning tezligini kuzatish uchun.

Nimani yig'MAYMIZ

• Karta raqamingiz bizga umuman kelmaydi — to'lov to'lov tizimining o'z sahifasida bajariladi va biz faqat natijani olamiz.
• IP manzilingiz saqlanmaydi. U faqat so'rovlar sonini cheklash uchun, xotirada, vaqtinchalik ishlatiladi.
• Joylashuv, kontaktlar, kamera va mikrofonga murojaat qilinmaydi.
• Reklama identifikatorlari va uchinchi tomon kuzatuv (tracking) vositalari ishlatilmaydi.

Nima uchun ishlatamiz

• Hisobingizga kirish va uni himoya qilish.
• Mashq natijalaringizni saqlash va statistikani ko'rsatish.
• Obunani faollashtirish va uning muddatini nazorat qilish.
• Siz ruxsat bergan bo'lsangiz — bildirishnoma yuborish.
• Xizmatdagi nosozlik va sekinlikni topish.

Kim bilan bo'lishamiz

Ma'lumotingiz sotilmaydi va reklama maqsadida uzatilmaydi. U faqat xizmat ishlashi uchun zarur bo'lgan tomonlarga boradi:

• To'lov tizimi — to'lovni amalga oshirish uchun (biz faqat natijani olamiz).
• Google — agar siz Google bilan kirishni tanlasangiz.
• Apple, Google yoki brauzer ishlab chiqaruvchisining bildirishnoma xizmati — faqat siz obuna bo'lgan bildirishnomani qurilmangizga yetkazish uchun.
• Qonun talab qilgan hollarda — vakolatli organlarga.

Qancha saqlanadi

• Hisob va ta'lim ma'lumotlari hisobingiz mavjud ekan saqlanadi.
• Sessiya 30 kundan keyin o'z-o'zidan tugaydi; uni istalgan vaqtda «Qurilmalar» bo'limidan chiqarib yuborishingiz mumkin.
• Bildirishnoma obunasi siz uni o'chirguningizcha yoki qurilma obunani bekor qilgunicha saqlanadi.
• To'lov yozuvlari buxgalteriya talablari bo'yicha hisob o'chirilgandan keyin ham saqlanishi mumkin.

Sizning huquqlaringiz

• Hisobingizdagi ma'lumotni ko'rish va tahrirlash — hisob menyusidagi bo'limlar orqali.
• Kirgan qurilmalar ro'yxatini ko'rish va keraksizini chiqarib yuborish.
• Bildirishnomani istalgan vaqtda o'chirish.
• Hisobingizni va unga bog'liq ma'lumotni o'chirishni so'rash — quyidagi aloqa kanali orqali.

Bolalar

Xizmat haydovchilik guvohnomasi olishga tayyorlanayotgan shaxslar uchun mo'ljallangan va 13 yoshgacha bo'lgan bolalarga qaratilmagan.

O'zgarishlar

Siyosat yangilanishi mumkin. Muhim o'zgarishlar bo'lsa, xizmat ichidagi bildirishnoma orqali xabar beramiz. Yuqoridagi sana oxirgi tahrirni ko'rsatadi.

Aloqa

Savollar va ma'lumotni o'chirish so'rovlari uchun: Telegram @avtomaktab_support

Ijrochi rekvizitlari

To'liq nom

«QUANTIC» Mas'uliyati cheklangan jamiyat

STIR

309121372

Davlat ro'yxatidan o'tgan

15-dekabr, 2021 · № 1073628

Yuridik manzil

Buxoro viloyati, Romitan tumani, Romitan, Do'rman QFY

H/r

20208000405471559001

Bank

«ASIA ALLIANCE BANK» ATB, Bosh ofis

MFO

01095

IKPU

10801001002000000 — Nodavlat maktab ta'limi xizmatlari